ຄະນະທ່ານລັດຖະມົນຕີຊ່ວຍວ່າການກະຊວງ ປທສ ພ້ອມດ້ວຍຄະນະລົງຢ້ຽມຢາມແຂວງ ອຸດົມໄຊ, ຄັັ້ງວັນທີ 27-29 ເມສາ 2013

ພິມ
ໝວດ: ຂ່າວ ປທສ ແຂວງ
ເຜີຍແຜ່ເມື່ອ ວັນພະຫັດ, 02 ພຶດສະພາ 2013 ຂຽນໂດຍ ສີສົມບັດ ສຸພັດທອນ

ຕອນເຊົ້າເວລາ 09: 00 ນາທີ ຂອງ ວັນຈັນ, ວັນທີ 29 ເມສາ 2013: ທ່ານ ຫຸມພັນ ບຸບຜາຄຳ ເລຂາໜ່ວຍພັກ, ຫົວໜ້າພະແນກໄປສະນີ, ໂທລະຄົມມະນາຄົມ ແລະ ການສື່ສານແຂວງ ໄດ້ນຳພາ ທ່ານ ທັນສະໄຫມ ກົມມະສິດ ລັດຖະມົນຕິຊ່ວຍວ່າການກະຊວງ ປທສ ພ້ອມດ້ວຍຄະນະເຂົ້າພົບ ທ່ານ ຄຳແພງ ຈິດຕະວົງ, ຮອງເລຂາພັກແຂວງ, ຮອງເຈົ້າແຂວງ ແຂວງອຸດົມໄຊ. ຊື່ງໃນນັ້ນທ່ານ ຄຳແພງ ຈິດຕະວົງ ໄດ້ສະແດງຄວາມຍິນດີຕ້ອນຮັບ ແລະ ລາຍງານຕໍ່ ທ່ານ ທັນສະໄຫມ ກົມມະສິດ ລັດຖະມົນຕີຊ່ວຍວ່າກະຊວງ ປທສ ກ່ຽວກັບການຊີ້ນຳ-ນຳພາວຽກງານ ປທສ ໃນໄລຍະຜ່ານມາ, ຫຼັງຈາກນັ້ນ ທ່ານ ທັນສະໄຫມ ກົມມະສິດ ລັດຖະມົນຕີຊ່ວຍວ່ານກະຊວງ ປທສ ຍັງໄດ້ລາຍງານກ່ຽວກັບພາລະບົດບາດ, ຂອບເຂດການເຄືຶ່ອນໄຫວວຽກງານ ປທສ ໃນທົ່ວປະເທດ, ເວົ້າລວມເວົ້າສະເພາະກໍ່ແມ່ນແຂວງອຸດົມໄຊ, ຫຼັງຈາກນັ້ນ ທ່ານ ທັນສະໄຫມ ກົມມະສິດ ລັດຖະມົນຕີຊ່ວຍວ່ານກະຊວງ ປທສ ກໍ່ໄດ້ມາຮ່ວມພິທີຢູ່ພະແນກ ປທສ ແຂວງ.

ເວລາ 09: 00 ນາທີ ຂອງວັນດຽວກັນ ທີ່ພະແນກໄປສະນີ, ໂທລະຄົມມະນາຄົມ ແລະ ການສື່ສານແຂວງອຸດົມໄຊ ໄດ້ຈັດພິທີຕ້ອນຮັບຄະນະທ່ານລັດຖະມົນຕີຊ່ວຍວ່າການກະຊວງ ປທສ ພ້ອມດ້ວຍຄະນະລົງຢ້ຽມຢາມ ແລະ ເຮັດວຽກຢູ່ພະແນກ ປທສ ແຂວງອຸດົມໄຊ. ໃຫ້ກຽດເຂົ້າຮ່ວມເປັນປະທານໂດຍ ທ່ານ ທັນສະໄຫມ ກົມມະສິດ ລັດຖະມົນຕີຊ່ວຍວ່າການກະຊວງ ປທສ, ທ່ານ ຫຸມພັນ ບຸບຜາຄຳ ເລຂາໜ່ວຍພັກ, ຫົວໜ້າພະແນກໄປສະນີ, ໂທລະຄົມມະນາຄົມ ແລະ ການສື່ສານແຂວງ ພ້ອມດ້ວຍຄະນະນຳຈາກກະຊວງ ປທສ ເຂົ້າຮ່ວມຈຳນວນ 06 ທ່ານ. ນອກຈາກນັ້ນຍັງມີຫົວໜ້າບໍລິສັດ/ລັດວິສາຫະກິດຄື: ລັດວິສາຫະກິດໄປສະນີລາວສາຂາ ແຂວງອຸດົມໄຊ, ບໍລິສັດ ອີທີແອວ ມະຫາຊົນ, ລັດວິສາຫະກິດ ລາວໂທລະຄົມມະນາຄົມ ແລະ ບໍລິສັດສະຕາໂທລະຄົມ  ພ້ອມດ້ວຍພະນັກງານ, ວິຊາການພະແນກ ປທສ ເຂົ້າຮ່ວມ 20 ກວ່າທ່ານ.
  ໃນທີ່ປະຊູມ, ທ່ານ ຫຸມພັນ ບຸບຜາຄຳ ເລຂາໜ່ວຍພັກ, ຫົວໜ້າພະແນກ ປທສ ແຂວງ ໄດ້ຂຶ້ນລາຍງານ ສະພາບລວມຂອງວຽກງານໄປສະນີ, ໂທລະຄົມ ແລະ ສະຫຼຸບຜົນສຳເລັດໃນການ ຈັດຕັ້ງປະຕິບັດວຽກງານໄປສະນີ, ໂທລະຄົມ ໃນໄລຍະ 01 ປີຜ່ານມາ, ທ່ານໄດ້ຍົກໃຫ້ເຫັນທັງຈຸດດີ ແລະ ຂໍ້ຄົງຄ້າງໃນການ ຈັດຕັ້ງປະຕິບັດວຽກງານໃນໄລຍະຜ່ານມາ ແລະ ໄດ້ສະເໜີທິດທາງ, ແຜນການໃນການຈັດຕັ້ງປະຕິບັດ ວຽກງານໃນສົກປີ ຕໍ່ໄປ. ພ້ອມດຽວກັນນັ້ນ, ທ່ານ ທັນສະໄຫມ ກົມມະສິດ ລັດຖະມົນຕີຊ່ວຍວ່າການກະຊວງ ປທສ ກໍ່ໄດ້ໃຫ້ກຽດຂຶ້ນກ່າວ, ຍ້ອງຍໍຜົນສຳເລັດໃນການຈັດຕັ້ງປະຕິບັດວຽກງານທີ່ຜ່ານມາ ແລະ ທ່ານຍັງໄດ້ໃຫ້ຄຳໂອ້ລົມທີ່ເປັນທິດເຍືອງທາງ ໃນການຈັດຕັ້ງປະຕິບັດວຽກງານ ໄປສະນີ ແລະ ໂທລະຄົມມະນາຄົມ ໃນຕໍ່ໜ້າ.

 

ລິຂະສິດ 2012 . ພະແນກ ໄປສະນີ, ໂທລະຄົມມະນາຄົມ ແລະ ການສື່ສານ ແຂວງອຸດົມໄຊ
ໂທ ແລະ ແຟັກ: 856 81 312 508

Templates Joomla 1.7 by Wordpress themes free